Durante estas semanas estivemos a traballar no taller de disfraces. Unha vez rematados os disfraces e realizada a proba destes decidimos vivir o entroido na aula de MMAF e de Educación Física.
Unidade 8. O
ENTROIDO Sesión 16.
|
Obxectivos.
Practicar xogos relacionados coas tradicións dos carnavais
en Galicia.
Materiais.
Pelotas, conos, música, material diverso do ximnasio...
|
PARTE INICIAL.
GRAN BAILE DO ENTROIDO.
Bailamos ao ritmo da música, cando a música
se para os alumnos quedarán en equilibrio estático, formando distintas
figuras.
LUNS DE FARRAPOS.
Onde se
convoca na praza unha guerra de trapos empapados ou embarrados, ao xeito
dunha guerra de tortas, de todos contra todos. Nós, utilizaremos a
metade de pelotas que de xogadores. E realizaremos un xogo de eliminar, todos
contra todos. Que teña a pelota pode eliminar aos demais lanzándoa dende o
sitio, os eliminados sentaranse no chan. Poderán erguerse se collen unha
pelota perdida. O que ten a pelota non pode desprazarse. Ao que vexamos que
se move do sitio quedará eliminado definitivamente. Non podemos eliminar
alguén que teña unha pelota na man.
|
PARTE PRINCIPAL.
COMPADRES E COMADRES.
VIANA DO
BOLO ten a celebración do Xoves de compadres, onde os rapaces tiran fariña ás
rapazas, Xoves de comadres, onde sucede xusto o contrario. Realizaremos un xogo
de pilla con pelotas. Primeiro pillarán os rapaces as rapazas. Con tres
pelotas e sen poder desprazarse cando teñen a pelota nas mans. Rematará o
xogo cando todas estean pilladas. Despois tocaralles a quenda ás rapazas.
DOMINGO OLEIRO.
Os
participantes fan rodas na praza Maior para lanzar os recipientes. O que o
deixe caer ao chan, ten que pagar unha xerra de viño tinto. Formamos unha roda.
Pasar a pelota arredor da roda. Se conseguimos unha volta enteira sen que
caia a pelota, damos todos os compoñentes un paso atrás e repetimos a acción.
Se cae a pelota, quedarán eliminados os dous (o que lanza e o que recibe).
Os eliminados irán a botar unha pelota de
todas as maneiras e combinacións posibles, sen desprazamentos.
|
VOLTA Á CALMA.
XOGO DA PIÑATA e XOGOS INFANTÍS Exploración dos Xogos
Tradicionais.
Gran baile. (Baile da
vasoira)
ENTERRO DA SARDIÑA.
|
OBSERVACIÓNS.
Asemblea relacionada coa sesión. Gustáronvos os xogos?
Coñeciades esas formas de celebrar o carnaval? Coñecedes outras maneiras de
celebralo?
|
Unidade 8. O ENTROIDO Sesión 17.
|
Obxectivos.
Practicar xogos relacionados coas tradicións
dos carnavais en Galicia.
Materiais.
Pelotas, conos, música, material diverso do
ximnasio...
|
PARTE INICIAL.
GRAN BAILE DO ENTROIDO.
O DOMINGO FARELEIRO.
Os farelos
de Laza, que van mesturados con voraces formigas que manteñen varios días sen
comer e excitan con vinagre, moitos veciños da capital da Limia aproveitan o
día para facer algunha viaxe ou permanecen ocultos na casa, para librarse da
fariña. Nós, utilizaremos 3 pelotas. E realizaremos un xogo de eliminar, todos
contra todos. Que teña a pelota pode eliminar aos demais lanzándoa dende o
sitio, os eliminados quedarán fóra do xogo, como "castigo" botarán
unha pelota sen parar de distintas maneiras ou formas. O que ten a pelota non
pode desprazarse. Non podemos eliminar alguén que teña unha pelota na man.
|
PARTE PRINCIPAL.
O OSO.
Contan
ademais cunha das "criaturas" mais salvaxes da tradición, o
"oso" que recuberto de "toxos", tratara de arremeter a
todo aquel que se cruce con el, mentres o seu "amo" trata de
dominalo suxeito cunha corda. Un xogador fará de oso. Terá que pillar os
xogadores que se encontrarán bailando na praza. En lugar de estar suxeito a
unha corda, desprazarase a catro patas intentando pillar os xogadores que
bailarán por parellas.
O MECO.
O
"MECO" percorrerá ás rúas e prazas do casco lanuxe, acompañado de
corrozas e fachóns, para ser aforcado na Praza Maior, baixo vos sons dás
gaitas. NOTA: Agradécese que todas ás persoas que participen na procesión do
Meco veñan ataviadas con caretas.
Realizaremos unha carreira de relevos,
parecido ao xogo do rescate. Todos estarán a un lado do campo, menos o
capitán que estará ao outro. A un sinal, o capitán irá a salvar o primeiro
que terá que levalo a cabaliño para que non toque o chan. Cando os dous chegan
ao outro lado, deberán ir a buscar a un terceiro e pasarano sen que toque o
chan. Así ata que pase todo o grupo. O grupo que antes pase gañará. O que
chegue de último será o Meco aforcado
|
VOLTA Á CALMA.
XOGO DA PIÑATA e XOGOS INFANTÍS
O tren da bruxa.
BAILE NA PRAZA MAIOR.
"ENTERRO DA SARDIÑA"
|
OBSERVACIÓNS.
Asemblea
relacionada coa sesión. Gustáronvos os xogos? Coñeciades esas formas de
celebrar o carnaval? Coñecedes outras maneiras de celebralo?
|
Ningún comentario:
Publicar un comentario