UN AGASALLO DE NADAL.

CONTO DE NADAL.
A última semana de clase gozamos dunha actividade conxunta para todos os segundos. Vivimos unha historia de Nadal onde tivemos que buscar un agasallo oculto no colexio.
Aventura da que gozamos grandes e pequenos.

This free picture slideshow made with Smilebox

12ª SESIÓN. UN AGASALLO EN NADAL

UN AGASALLO EN NADAL.

Presentación/Conto.

PAPA NOEL terminou de abotoarse a súa chaqueta máis grosa, púxose o seu xersei de punto, enfundou o seu groso chaquetón vermello e enrolouse a bufanda.

“¡Que noite para saír!, pensou, mentres a sarabia golpeaba as xanelas e os copos de neve se escorrían por baixo da porta. “É unha noite para sentar xunto ao lume e comer torradas quentes con manteiga”.

Púxose os seus calcetíns de lá máis grosos, sacudiu a lama das súas botas e axustouse as luvas.

Unha vez vestido, mirouse ao espello e exclamou:

-         Non é raro que todos crean que son gordo, ¡con toda a roupa que levo encima!.

Na neve, Rodolfo, o reno, esperaba impaciente a orde de pórse en camiño. Facía tanto frío, que os patíns do trineo estaban a empezar a conxelarse.

PAPA NOEL comprobou que levaba todos os seus agasallos e arrincou a galope polo aire a través dunha cortina de neve.

-         ¡Ho, ho, ho,...!

Na metade da viaxe, detivéronse sobre un tellado esvaradío polo xeo. Rodolfo e os renos empezaron a escorregar e o trineo empezou a moverse bruscamente. PAPA NOEL tomou a decisión de descansar noutro lado menos perigoso, así que remontaron o voo de novo. Nese momento un agasallo caeu do trineo e desapareceu entre as árbores do lugar.

Desde aquela noite nunca máis volveron descansar nese lugar por medo a perder máis agasallos. E…

…  PAPA NOEL e os seus renos nunca puideron recuperalo.

Pero…

... PAPA NOEL decidiu avisar ás persoas daquel lugar para que atopasen o seu agasallo. Coa condición de que si alguén o atopaba debería compartilo cos demais.

Agora despois de moito tempo chegaron a nós varias pistas que conducen a ese agasallo e vós seredes os encargados de axudarnos a atopar ese tesouro antes de Nadal.

Organización.

Fanse seis grupos de oito ou nove nenos, nos grupos atoparemos  nenos de todas as clases (A, B e C).

Cada grupo seguirá un camiño distinto de pistas que conducirán ao agasallo de PAPA NOEL.

Para conseguilo, deberán descifrar as pistas e superar algunhas probas. Tamén deberán coller unha tarxeta que se atopa dentro dos sobres onde atoparán as pistas, xa que todas as tarxetas inclúen a mensaxe final que lles dirá a proba a realizar para conseguir o agasallo.

Os grupos dividiranse en: 1º, 2º, 3º, 4º, 5º e 6º.

Cada grupo realizará  o seu propio percorrido:

Pista A→ Conto:“ Unha pista acharás no tellado no que escorregaron os renos, este tiña forma de pirámides ”

Mensaxe: Si o agasallo

Pista B→ “Si a seguinte pista queredes atopar, no ximnasio dos renos deberedes entrar”

M: queredes atopar,

Pista C → “En Nadal adoita haber un en moitas casas. Este ano, no noso cole, temos un ou dous de moitas cores”.

M: ao señor director

Pista D →  “Algúns nenos comen nese lugar grandes manxares que lles axudan a manterse fortes e sans”.

M: deberedes buscar

Pista E → “Teñen unha porta enorme por onde todos os días entran unha chea de nenos riseiros”.

M: e

Pista F →   “Teñen un lugar precioso cheo de libros, contos e historias marabillosas. Pero coidado nese lugar non se permite facer ningún ruído”.

M: unha panxoliña

Pista G →  “Unha ponte colgante podes atopar, unha escaleira, unha pendente e moitas cousas máis. Aos nenos encántalles xogar.”

 M: terédeslle

Pista H →   “Si o agasallo queredes atopar un axudante de PAPA NOEL o bigote débevos pintar”.

M: que cantar.

A partir destas pistas, cada grupo seguirá unha orde distinta que lles conducirán a un mesmo agasallo.

✗ 1º → ORDE DAS PISTAS: A-B-C-D-E-F-G-H

 ✗ 2º → ORDE DAS PISTAS: B-C-D-E-F-G-H-A

 ✗ 3º → ORDE DAS PISTAS: C-D-E-F-G-H-A-B

 ✗ 4º → ORDE DAS PISTAS: D-E-F-G-H-A-B-C

 ✗ 5º → ORDE DAS PISTAS: E-F-G-H-A-B-C-D

 ✗ 6º → ORDE DAS PISTAS: F-G-H-A-B-C-D-E

Unha vez conseguidas todas as pistas e, por tanto, todos as tarxetas deberán formar a mensaxe oculta para poder atopar o agasallo: 

“Si o agasallo queredes atopar, ao señor director deberedes buscar e unha panxoliña terédeslle que cantar.”

Unha vez conseguida a proba, o “director” entregaralles o agasallo de Nadal, que como dicía o conto deberano compartir entre todos. ¿Que conterá a caixa de Nadal? ¡¡¡SORPRESA!!!  ¡Unhas piruletas de chocolate con motivos do Nadal!

¡¡¡BO NADAL A TODOS!!!

OS ANIMAIS.

ENTRAR

11ª SESIÓN

Unidade 5.                OS ANIMAIS        Sesión 11.

Obxectivos. Traballar as palabras individuais e as palabras colectivas. Desprazamento: reptación. Xogar cos números ordinais. Materiais. Tarxetas de números ordinais, de palabras individuais e colectivas, conos, petos…

PARTE INICIAL. ASALTO AO CASTELO. Temos tres gardiáns da torre do castelo. Na torre teremos tarxetas con palabras colectivas. O resto dos compañeiros terán unha zona segura onde non poderán ser pillados. O seu obxectivo será recoller as tarxetas sen ser pillados. Se nos pillan deberemos quedar no cárcere ata que un compañeiro nos salve. A forma de salvar será que un compañeiro libre colla a un compañeiro pillado da man e xuntos váianse para a casa (zona segura). O xogo remata cando recollemos todas as tarxetas. CADA OVELLA COA SÚA PARELLA. Os alumnos xa teñen todas as palabras colectivas e o profesor daralles as palabras individuais para que eles as relacionen.

PARTE PRINCIPAL. FORMAMOS EQUIPOS REPTANDO. Formamos dúas filas. Deberán trasladarse reptando ata un aro onde deberán coller unha tarxeta ao azar. Despois volverán por fóra camiñando para deixar que os seus compañeiros traballen. Unha vez que todos temos tarxeta animámolos a formar equipos (non parellas) en función das pistas que conteñen as tarxetas: cores (amarelo e azul) e números ordinais. CARREIRA REPTANDO. Unha vez formados os grupos realizaremos unha carreira. Todos se colocarán en fila seguindo a orde dos números ordinais. Abriremos as pernas e a carreira será a seguinte: o último de fila pasará reptando por debaixo das pernas ata colocarse de primeiros. Irán facendo o percorrido dun nun, ata que todos quedemos na posición inicial.

VOLTA Á CALMA. PELOTA CAPITÁ. Colocados en fila. Descolocamos a orde dos compañeiros de forma que os números ordinais estean colocados aleatoriamente. O primeiro de cada fila deberá pasarlle a pelota aos compañeiros que están en fila e estes lla devolverán e sentaranse no chan deixándolle o paso libre ao seguinte compañeiro. Antes de lanzar a pelota o capitán deberá chamar o compañeiro polo seu número ordinal. Intentaremos que pasen todos polo posto do capitán.

OBSERVACIÓNS.

XOGAMOS CON ORDE!

Nesta sesión asaltamos un castelo, emparellamos cada ovella coa súa parella, reptamos polo ximnasio e atrapamos obxectos voantes.

This free photo slideshow generated with Smilebox

LIM DOS ANIMAIS.

Aquí tedes o LIM dos "Animais" que estades traballando na clase.

ENTRAR

CANDO DIGAN QUE NON PODES, FAITE O XORDO...

A PONTE.

Acordádevos da ponte colgante do ximnasio? Acordádevos da historia que vos contou a profe Cova...?

PESO E ALTURA.

Nesta sesión comprobamos o noso peso e altura, trasladamos as nosas medidas a unha táboa e traballamos por grupos cooperando nos xogos e intentando axudarnos uns a outros.

A free photo slideshow by Smilebox

10ª SESIÓN

Unidade 4.       OS ANIMAIS      Sesión 10.

Obxectivos. Aplicar os coñecementos de medida e peso a situacións reais e próximas. Elaborar táboas de datos. Traballar en equipo. Materiais. Báscula, medidor, tragapeixes, peixes elaborados con pelotas de pimpón, crebacabezas, estrícula, globos recheos, táboas, música, ximnasio...

PARTE INICIAL. Explicamos aos alumnos a estrutura da sesión. Pesaranse e mediranse en grupos. Teremos distintas estacións polas que irán rotando os diferentes equipos.

PARTE PRINCIPAL. 1ª ESTACIÓN. Peso e medida. Os alumnos por grupos pesaranse e mediranse anotando os resultados nunha táboa que se entregará a cada equipo. 2ª ESTACIÓN. TRAGAPEIXES. Os alumnos terán un polbo, un cangrexo e un peixe globo. Deberán darlles de comer (lanzando peixes pequenos) a unha distancia determinada (dous metros) que deberán medir. Unha vez que rematen toda a comida, deberán mirar cal foi o máis comellón. 3ª ESTACIÓN. CREBACABEZAS. Deberán completar dous crebacabezas do corpo humano. Temos un rapaz e unha rapaza. Poderán completar os dous crebacabezas. Este traballo será cooperativo: intentaremos completalos entre todos os equipos que vaian pasando por esa estación. 4ª ESTACIÓN. ESTRICULA/DIANA. Utilizaremos unha estrícula con puntuacións do 1 ao 10. Os alumnos deberán realizar lanzamentos dende unha distancia de 1 metro (deberán medir). En cada lanzamento deben intentar caer nunha das cuadrículas para conseguir unha puntuación determinada, cada vez que lancen deberán de sumar os puntos obtidos. Cantos puntos conseguimos?

VOLTA Á CALMA. JUEGO DE MIMICA E PICTOGRAMAS. Temos unhas tarxetas cos debuxos de diferentes animais (mamíferos, aves, peixes, anfibios,réptiles...). Escolleremos un alumno ao azar. Este escollerá unha tarxeta e a través da mímica deberá intentar dicirlles os seus compañeiros que animal encontrou na súa tarxeta. Se despois dun tempo non conseguen adiviñalo, deixaremos que o compañeiro se comunique a través do debuxo.

OBSERVACIÓNS.

OS ANIMAIS.

Imos coñecer moitos animais, como son, como e onde viven, de que se alimentan,...

ENTRAR

LINGUAXE E EXPRESIÓN CORPORAL.

Ola chicos!
Sabedes que co corpo decimos moitas cousas?

Neste recurso aprenderás que, a través do corpo, os xestos e as palabras, representamos diferentes estados de ánimo, sensacións e situacións.

ENTRAR

ÓSCAR VAI AO MÉDICO.

Neste recurso poderemos traballar os seguintes temas:

1. Visita ao médico.
2. O coidado da nosa saúde.
3. Comendo ben, comendo san.
4. Visita ao dentista e ao oculista.

ENTRAR

UN COLE CHEO DE ANIMAIS!

Nesta sesión un raposo intentou atrapar a todas as galiñas do galiñeiro, seguimos creando palabras de tres sílabas e xogamos co corpo para expresar a través da mímica, do son e do debuxo distintos animais.

Free slideshow design generated with Smilebox

9ª SESIÓN

Unidade 4.     Os animais       Sesión 9.

Obxectivos. Coñecer algunhas características que definen aos animais. Formar palabras de dúas o máis sílabas. Comunicarse a través da expresión corporal e o debuxo. Materiais. Panos, tarxetas de sílabas, pelotas, bancos suecos, zancos pequenos, tarxetas de animais, papel continuo branco e rotuladores.

PARTE INICIAL. O RAPOSO E AS GALIÑAS. Queda o "RAPOSO", colócase un pano colgado na parte de atrás da cintura. O resto son "GALIÑAS" que teñen que escapar do raposo. Se o raposo lles toca, se sentan no chan, no mesmo lugar onde foron pilladas, e dende ese sitio (sen levantar o cu) poden quitarlle o pano ao raposo. Se unha galiña pillada lle quita o pano, libera a todas as demais e convértese no novo raposo.

PARTE PRINCIPAL. ATOPAR PALABRAS. 1ª PROBA: Botando a pelota. Imos collemos unha tarxeta e volvemos.. Despois da proba miramos que sílaba temos e intentamos xuntarnos con dous compañeiros para formar unha palabra trisílaba. 2ª PROBA: Equilibrio en bancos, pasar por enriba dos bancos e volver coa tarxeta mantendo o equilibrio. Pasamos de dous en dous e temos que axudarnos para non caer ningún dos dous da ponte. Buscamos palabras trisílabas. 3ª PROBA: Camiñamos sobre zancos pequenos. Recorrido mais pequeno. Recoller tarxetas e volver. Formamos palabras trisílabas. ENSALADA DE LETRAS. Con todas as sílabas da actividade anterior intentaremos construír palabras novas aínda que teñan un maior ou menor número de sílabas. Que encontramos?

VOLTA Á CALMA. JUEGO DE MIMICA E PICTOGRAMAS. Temos unhas tarxetas cos debuxos de diferentes animais (mamíferos, aves, peixes, anfibios,réptiles...). Escolleremos un alumno ao azar. Este escollerá unha tarxeta e a través da mímica deberá intentar dicirlles os seus compañeiros que animal encontrou na súa tarxeta. Se despois dun tempo non conseguen adiviñalo, deixaremos que o compañeiro produza a onomatopeia do animal, e se non o adiviñan deixaremos que o compañeiro se comunique a través do debuxo.

OBSERVACIÓNS.

XOGAMOS E XOGAMOS....

Nesta sesión xogamos a pilla cos números, espertamos a un crocodilo dormilón e seguimos xogando coas palabras.

This slideshow made with Smilebox

8ª SESIÓN.

Unidade 3.              A SAÚDE       Sesión 8.

Obxectivos. Repasar conceptos como anterior, posterior, maior, menor, igual, par, impar, etc. Traballar a composición e descomposición de números. Formar palabras de dúas o máis sílabas. Materiais. Tarxetas numeradas, tarxetas con sílabas, música, conos, pelotas, ximnasio,...

PARTE INICIAL. PILLA DE NÚMEROS. Coa canción dos números bailamos polo ximnasio. Esta canción canta os números ata o 100. Os alumnos terán un número determinado e bailarán ao ritmo da música. Cando a música se pare o último número nomeado pillará ao resto (este número pode ser un compañeiro ou dous: 30 + 2 = 32) . Se nos pillan sentarémonos no chan ao indio. Cando empece de novo a música, todos nos poñeremos a bailar de novo, esteamos pillados ou non. CROCODILO DORMILÓN. Cada un leva un número. Dous compañeiros (centenas) fan de crocodilos durmiñóns (tombados no chan), o resto rodeámolos formando unha roda. Cantámoslles a seguinte canción: "Buenos días, buenos días, cocodrilo dormilón. Ya despierta! Ya despierta! No te hagas el remolón. No nos coges, no nos pillas porque eres un tardón. Corre, corre! Mira, mira! Ya despierta el dormilón!” Cando remata a canción, os crocodilos levántanse e pillan soamente dous (unha decena e unha unidade). Miramos que número formaron e intentamos descompoñelo. Podemos traballar par, impar, anterior, posterior..., pero de forma oral. Na seguinte volta temos tres crocodilos e ao final da canción conseguiremos tres números. E así sucesivamente.

PARTE PRINCIPAL. ATOPAR PALABRAS. 1ª PROBA: Cono na cabeza coma se fose un sombreiro realizar un percorrido, coller unha tarxeta e volver facendo o mesmo exercicio. Despois da proba miramos que sílaba temos e intentamos xuntarnos a outro compañeiro para formar unha palabra bisílaba. ENSALADA DE LETRAS. Con todas as sílabas da actividade anterior intentaremos construír palabras novas aínda que teñan un maior ou menor número de sílabas. Que encontramos?

VOLTA Á CALMA. Falamos da sesión.

OBSERVACIÓNS.

CANCIÓNS DO CORPO.

                                                                   O CORPO.


JUAN PEQUEÑO BAILA. ESTE OLLIÑO PIMPILÍN. COAS MIÑAS MANS. Mamá Cabra EL BAILE DEL ESQUELETO. CABEZA, HOMBROS, RODILLAS, PIES.